﻿Zabur 148
IT AVAN OM TANA NGA MONGINDAZOU DI KINORINGAN

(Pemimpin)
Haleluya, Pongindazou-kou-no di Tuhan

(Jemaat)
Pongindazou-kou-no di Tuhan, ot avan

(Pemimpin)
I pentoron sid savat, nga pongindazou-kou-no kavi di Tuhan

(Jemaat)
Pangarazou-kou-no di Tuhan ot ongomalaikat

(Pemimpin)
Pongindazou-kou-no di Tuhan ot ongosojal do surga

(Jemaat)
Pangarazou-kou-no di Tuhan, ot adau om vulan

(Pemimpin)
Pangarazou-kou-no di Tuhan, ot ongokorimbutuon

(Jemaat)
Pangarazou-kou-no di Tuhan, ot ongokoungan dot avan.

(Pemimpin)
Pongindazou-kou-no di Tuhan, ot ongovaig sid koungan.

(Jemaat)
Pongindazou-kou-no kavi di Tuhan,

(Pemimpin)
Tu i boros Dau o kinojodizan do varo-kou dino.

(Jemaat)
Hinatul-no kavi Dau ioti dino sid Dau om Dau do kinintorono.

(Pemimpin)
Vinolit-no Dau laid i pangarantaban dit amu-no milod sumborolizan.

(Jemaat)
Pongindazou-kou-no di Tuhan, o sokoviai i vinangun

(Pemimpin)
Pangarazou-kou-no di Tuhan, o suvang do pomogunan

(Jemaat)
Pangarazou-kou-no di Tuhan, o rahat om sada dit ongogagazo

(Pemimpin)
Pangarazou-kou-no di Tuhan, o gonit om darun dit a-mabak.

(Jemaat)
Om i borizu di ponuhu Dau.

(Pemimpin)
Pangarazou-kou-no di Tuhan, ot ongoburul om ompulongon

(Jemaat)
Ot ongokouvaan om himbaan.

(Pemimpin)
Pangarazou-kou-no di Tuhan, ot ongopangazam om mizontalun, ot ongoombolog om momomondoi.

(Jemaat)
Pangarazou-kou-no di Tuhan, ot ongoraja om ongobansa ot ongomontiri om kiongokuasa

(Pemimpin)
Pangarazou-kou-no di Tuhan, ot ongondu om ongokusai

(Jemaat)
Pangarazou-kou-no di Tuhan, ot ongosukod om anganak-po.

(Pemimpin)
Mongindazou tokou-no kavi di Tuhan.

(Jemaat)
Tu iosido-no i katalib di sokoviai.

(Pemimpin)
Iosido-no o mangahatul dit avan om pomogunan.

(Jemaat)
Iosido-no o pakansang di bansa Dau, i rurungan dot Israil di sinamadan Dau.

(Pemimpin)
Iosido-no o piindazou dioti sampai penlaid.

(Semua)
Haleluya.

